ഓർമ്മപ്പാടത്ത് വെള്ളം കേറിയത്രെ.
ഉള്ളിലാരോ നിലവിളിക്കുന്നത് കേട്ടതാണ്.
എന്നും മുങ്ങിത്താഴുന്ന നിനക്കിത് പുതുമയോ എന്ന് എന്നോട് തന്നെ ഞാൻ..!!
ആരൊക്കെയോ കൈകാലിട്ടടിക്കുന്നുണ്ട്,
നിലവിളിക്കുന്നുണ്ട്.
ഇവിടെ ജീവിക്കാൻ വയ്യെന്ന് ചിലർ പറയുന്നുണ്ട്.
അവർക്ക് പോകണമത്രെ..!!
തടുക്കാൻ നിന്നില്ല.
എന്നിട്ടും മഴവെള്ളപ്പാച്ചിലിൽ തകർന്ന വാതിലിലൂടെ പിന്നെയും അവർ ഒഴുകിയടിഞ്ഞു.
പെയ്ത് ക്ഷീണിച്ച കണ്ണുകൾ ശകാരിച്ചു,
തിരിച്ചു വിളിച്ചതെന്തിനെന്ന് ചോദിച്ച്..
വിളിക്കാതെ വന്നതാണെന്ന് ഞാൻ..!!
നിനക്കിത് തന്നെ വേണമെന്ന് കൂട്ടിച്ചേർക്കൽ, പിറുപിറുക്കൽ.
അതെ എനിക്കിത് തന്നെ വേണം..!!
